Haurrak irratian abesten

Ez da berria umeek abesti desberdinen bitartez hainbat gauza ikasten dituztela.

Hala ere, haurrek ikasturtean zehar menperatu beharreko kontzeptuak ikastetik aparte, abestiak beste zenbait ekintzetarako ere baliagarriak izan dakizkieke. Horien artean,

txikiek ondo pasatzea

izan daiteke helburuetako bat.

Behean ikus dezakegun bideo honetan argi azaltzen den bezala, 3 haurrek "Maite Zaitut" abesti ezaguna beraien erara Arraio irratian kantatzean, ezin hobeto pasatu dute.

Beraz, ikastetxe batzutan honelako eskolaz kanpoko ekintza asko aurrera eramaten ez direnez, honelako jarduerak planteatzea egokia izan liteke: irratian abestea, hauetan elkarrizketatuak izatea, etab. Modu honetan, eskolako txikiek

era motibagarri eta dibertigarri batean (eta askotan inkonzienteki)

zenbait kontzeptu barneratuko lituzkete.

Haur kanten diskak

Esan dezakegu "modan dauden" haur kanten diskak Betizu, Txirri, Mirri eta Txiribiton eta Pirritx eta Porrotx-ek argitaratutakoak direla, besteak beste.

Hala ere, hauek ez dira inondik ere ditugun aukera bakarrak. Honela frogatzen digu, esaterako, Donostiako udal musika eta dantza eskolak ezagutzera eman duen haurrentzako disken zerrenda batek.

Beste diska hauek Euskal Herrian nahiz hemendik kanpo argitaratuak dira. Honela, abestiak hizkuntza desberdinetan aurkeztuak agertzen direlarik; baita ingelesez ere! Aukera hau oso egokia izan daiteke etxeko txikientzat, beste hizkuntzekiko harremana sendotzea posible izango bait litzateke beraientzat.

Besterik barik, familian goza itzazue mota desberdinetako diska hauek!

gurasoei eta umeei zuzendutako bi ikastaro

"HITZA" Eskualdeko egunkaria irakurtzerakoan nire gaiaren inguruko informazioarekin topo egin eta berehala zuei berria zabaltzea etorri zait burura. Horrela, oraingo honetan pare bat ikastaroren berri ematera natorkizue, Lekeitioko Udaleko Euskera Zerbitzuak antolatutakoak hain zuzen: 0-3 urte bitarteko umeen kanta eta jolasei buruzkoak. Abestiei dagokienez, lo kantak, jatekoak, altzoan hartuta abestekoak eta errezitatzekoak ikasteko aukera izango da, batik bat. Dirudienez, antolatzaileen helburua gurasoek "ume txikiekin euskaraz jolasteko eta abesteko tresnak ikastea da". Gaineratu beharrekoa da haurtzaindegi zerbitzua egongo dela ikastaro hauek iraun bitartean. Izena emateko epea gaur bukatzen denez eta plazak mugatuak izango direnez, apunta zaitez lehenbailehen! Izena emateko lekuaren nahiz ikastaroei buruzko egunen eta orduen inguruko informazio zehatzagoa eskuratu nahi izanez gero, klikatu berton! Ondo pasa!

Beste egunean haur kanten CD batzuen inguruko informazioa eskeini nizuen; Euskararen Donostiako Udal Patronatuak haur jaioberriak dituzten gurasoei luzatzen dizkietenei buruzkoa hain zuzen.

Oraingo honetan gai honekin lotura duen beste informazio bat gehituko dizuet.

Sakanako Mankomunitateak ere, aipatutako Udal Patronatuak bezala, antzeko eskeintzetan hartu du parte.

Hasteko, Mankomunitate honek haur jaioberriak dituzten gurasoei zenbait material (foiletoa, haur solasen zerrenda, autorako eranskailua eta lerde zapia) bidaltzen dizkie. Gainera, umeek urte bat betetzean, haur kantak biltzen dituen CDa eta CDarekin erabiltzeko gida banatzen zaizkie. Horretaz gain, Sakanako Mankomunitateak haur jolasen eta haur kanten ikastaroak eskaintzen ditu doan.

Gaineratu behar da garrantzi handia ematen diola elkarte honek ere euskarari. Beraz, aipatutako kanta eta jolasak hizkuntza honetan eramango dira aurrera.

Datuak lagungarri izango zaizkizuelakoan, beste bat arte!

haur kantak eta abeslariak

Badirudi lan hau egiteko orduan askok gai bera aukeratu dugula. Haur munduarekin elkarlotuta egon behar duen gai bat hautatu beharra genuen eta hainbeste ikaskideren artean, ez da arraroa honelako kointzidentziak gertatzea.

Nire bloga gizentzeko asmotan interneten informazio bila aritzen naiz eta gai beretsua duten blog hauekin egin dut topo, beraz. Blog dexentetako informazioa eskuragarri dagoen arren, interesgarriak iruditu zaizkidanetatik bat haur kantei eta abeslariei buruzkoa izan da.

Aipatutako blog horretan, beraz, Euskal Herriko haur kantei eta hauen abeslariei buruzko berriak eta informazioa eskeintzen da.

Ea lagungarri zaizuen!!

Herri kanten ikastaroa

Nork ez du izan noizbait estualdi bat haurrekin egonda, hauek aspertu direnean eta zer egin ez dakigula geratu garenean? Zuri oraindik gertatu ez bazaizu.. egon lasai, noizbait tokatuko zaizu eta!

Beraz, zer hobeto kanten inguruko ikastarotxo bat hartzea baino? Azpeitiko Udalak jarri du plan hori martxan eta ikastaroa ez da oso luzea izango. Honek, 10 ordu iraungo ditu eta guztiz amaitzean, landutako kantak eta partiturak biltzen dituen liburuxka bananduko zaio bakoitzari.

Honez gain, ikastaroa egin denaren agiria ere bananduko da joandakoen artean.
Zer, ez dauka itxura txarra, ezta? Ba badakizu, anima zaitez!

Bai hemen eta baita Dominikar Errepublikan ere!

Zeinek jaso dezake eskua "como los gorilas" kanta nork ezagutzen ez duen galdetuz gero? Badirudi mundu osoan zehar ezagun bihurtu dela.. baita Dominikar Errepublikan ere! Bai bai, sinetsidazu! Bertan praktiketan egon den ikasle baten blogean ikus dezakegun bezala, Bateyko haurrek ere eskolan atsedenalditxoa egiterakoan ederki mugitzen dituzte beraien gorputz ñimiñoak, irakasleekin batera, abesti hau entzundakoan. 

Besterik gabe, minutu erdiz mugi ezazu ipurdia haur dominikarrekin batera!

Musikak duen erritmoaz komunikatzen da haurra

Norbaitek zioen bezala, garrantzitsuena ez da okinak zemat ogi egiten dituen, egindakoak nola eginda dauden baino. Musika bidea da, ez helburua.

Imanol Urbieta musikagile eta musika irakasle gipuzkoarraren esanetan, hizkuntza, mugimendua eta musikaterapia oso inportanteak dira haurrarentzat. Musikaren helburua ez da musikariak sortzea, musika bizitzea eta musikaz baliatzea baizik, norbere inhibizioak eta ezinak gainditzeko, komunikatzeko gogoa sortarazteko.

Hori dela eta, kontuan izan behar dugu haurraren komunikazio beharra. Umeak bere erritmoa, bere pultsazioa du. Bere erritmo horrek esaten dio besteekin bat egitea oso larria dela, baina hala ere umeak aurre egin behar du eta umeari lagundu egin behar zaio aurrera egiten. Hau da Imanolen eta orohar hezitzaileen sistemaren gunea; haurra nolakoa den asmatzea. "Nolako pultsazioa, nolako nortasuna duen asmatzea, gizarteratu edo eskolaratu aurretik. Musikaren bidez haurrekin bat egiten dugu. Musikak duen erritmoaz komunikatzen da haurra".

Musikan aditua dugun gipuzkoarraren hitzei une batez erreparatzerakoan, noizbait haur hezitzaile izango naizen honek bat egiten du hauekin. Baina ez bakarrik musika garrantzitsua dela esaten duenean; hau oinarri hartuz, haur bakoitzarekin inplikatu behar denaren aldeko apustua ere egiten dut, haur bakoitza osoki ezagutu eta hauen nahi eta beharrak kontuan hartuz, honekin baliatu umeak beren inguruarekin komunikatu ahal izateko.

Beraz, ez dago dudarik musika eta heziketa elkarloturik doazela.

Badirudi haurrek txikitatik dutela musikaren beharra. Batek daki guraso askok gauetan zenbat aldiz izaten dituzten komeriak beraien haurra ezin lokarturik, ezin lasaiturik dabiltzanean. Batetik, umea oraindik txikia delako eta ezin izaten dutelako gurasoek igarri zelan jokatu. Bestetik, egun osoko nekeak ez dielako argi pentsatzen uzten...

Jarraian azaltzen den orrian guraso edo tutore horiei aholku edota ideia batzuk eskeintzen zaizkie momentu latz horiei aurre egiteko. Hala nola, leloei, sehaska-kantuei eta jolas-kantuei ematen zaie garrantzia. Mota bakoitzeko abestiak noiz eta nola erabili, etab. azaltzen direlarik bertan.

Aipatutako kantu hauek gurasoek ezagutzea eta beren umeei erregulartasunez (egunero, errutina bezala eta momentu jakin batzuetan) abestea onuragarria izan daiteke bai haurrarentzat eta baita gurasoentzat ere. Honetaz gain, bien arteko erlazioa estutzea ere ahalbidetuko du.

Abesti desberdinak noiz eta nola abestu ahal diren jakin nahi baduzu, hemen jaso dezakezu informazio gehiago.

Geroz eta nabarmenagoa den bezala, gure egunerokotasunaren parte bat bilakatu da etorkinek gure herrian eragindako aldaketa, hizkuntza, ohitura, kultura, eta beste zenbait aspekturi dagokienez. Hori dela eta, aldaketa hauek onartzea denon eginbeharra litzatekeela argi dago. Horregatik, haurrek txikiak direnetik kulturaniztasuna jorratzen duen heziketa duin bat jasotzea ezinbestekoa da. Batik bat prozesu hau bultzatzeko, hala egin dute esaterako, Orokietako Herri Eskolan. Aipatutako eskolan, beraz, zera egin dute: diska bat plazaratu haur kanten bilduma batekin. Baina euskarazko kantuak ezezik, kontinente desberdinetako zenbait lurraldetako kantuak hartu dituzte kontuan. Hala nola, Ertamerika, Magrebia, Senegal, Filipinas eta Suediako kanta bana ere sartu dira bilduman. Kantu bakoitza, bere jatorrizko hizkuntzan abestua izan delarik. Eginkizun hau oso baikorra izan daitekeela argi dago, haurrek beraien hizkuntza eta orohar tradizioa ezagutzeaz gain, beraien ikaskide izango diren beste haurren jatorria hurbiletik ezagutzea eta errespetatzea errazagoa izango zaielarik. Eskola honek plazaratutako abestien diska-ren gaineko ezagupen sakonagoa izan nahi baduzu, klikatu berton.

haur kanten CD-ak doan

Haurrek txikitatik hizkuntzarekiko kontaktua izatea ezinbestekoa da. Hori dela eta, orrialde honetan ikus dezakegun bezala, Euskararen Donostiako Udal Patronatuak haur jaioberrien gurasoei haur kanten CD batzuk luzatzen dizkie, aita-amek beraien seme-alaben inguruan ahalik eta giro euskaldunena sor dezaten.

Udal honen jokaera orijinala dela esan dezakegu; askotan, bultzatu nahi denaren inguruko ekintzak aurrera ateratzeak eta hauetan norbere inplikazioa agertzeak, soilik hitzez mintzatzeak baino eragin zuzenagoak izaten baititu.

Besterik gabe, norbaitek haur jaioberriei egokitutako abestien CD horien inguruko kuriositaterik badu, klikatu dezala azpimarratuta azaltzen den tokian.