txikitako abesti batzuk..

PINTXO PINTXO

"Pintxo Pintxo
gure txakurra da ta
Pintxo Pintxo
bere izena du.
Txuri-beltza da ta
ez du koska egiten
begi bat ixten du
jolastu nahi badu"

BOLONTENA

Bolontena, nere laztana,
ez egin lorik basuan.
Azeritxuak eramango zaittu
erbiya zarelakuan. Bo!


HAURTXO TTIPIA

"Haurtxo ttipia seaskan dago
zait iduri aingerua, lo.
Haurtxo ttipia seaskan dago
zait iduri aingerua, lo.
Ene maitia, ene pottolo,
egina guzu, lo!

Txakur haundia etorriko da
zuk ez baduzu egiten lo
Txakur haundia etorriko da
zuk ez baduzu egiten lo
Ene maitia, ene pottolo,
egina guzu, lo!"

Power Point-ean egindako pare bat aurkezpen

Hemen duzue Power Pointen egindako aurkezpen bat, sarean aurkitu dudana.

| View | Upload your own

Ni neu ere ausartu naiz nire gaiari lotuta doan Power Point berri bat sortzen eta sarean jartzen.

Zerbait erraza prestatu dut, lehendabiziko aldia dela eta proba bat egitearren.

Dena dela,

ea baliagarri zaizkizuen bertan sartutako 3-4 abesti!

Gaurkoan Practicum I-eko oroitzapenak etorri zaizkit gogora, horien artean haurrek sarritan abesten zituzten abestiak.

Egia esan, praktiketako lehen egunetan haurrek kantaren bat abesten zutenean hunkituta geratzen nintzela oroitzen dut. Nire ikasleak 3 urte zituzten eta txikitan gelan guk abesten genituen berberak zirela konturatu nintzen! Badirudi urteak aurrera joan arren, gauza batzuk ez direla inoiz aldatzen, beti errepikatzen direla, alegia.

Ilusio handia egin zidan, beraz, oraindik ere kantuen letra oroitzen nuela ikusteak. Ordura arte abesti batzuez ez nintzen gogoratu ere egiten, baina ikasle hauei esker erraz birgogoratzea posible izan nuen.

Besterik gabe, pare bat abestiren letrak idatziko dizkizuet, ea nork ez dituen inoiz abestu!

Esku jolasetarako, esaterako: Txikiena,txikiena non zaude hemen nago kaixo laguntxoa kaixo laguntxoa banoa, banoa. (Letra errepikatu egiten da behin eta berriz, atzamar bakoitzarekin abestuz; txikiena, nagiena, luzeena, bizkorrena, lodiena eta azkenik, eskutxoa erabiliko ditugu horretarako.) Edota bazkaltzera joateko orduan abestutakoak: Gose asko, gose asko daukat nik, daukat nik goazen bazkaltzera, goazen bazkaltzera oraintxe bertan, oraintxe bertan.